ژ گوڵان تا تەباخا 1988 مەزنترین ئۆپراسیۆنێن ئەنفاڵان ژلایێ عێراقێ ڤە ب دژى کوردان هاتنە ئەنجامدان و کوردان خوینەکا ئێکجار زۆر بۆ ئەڤێ هەڕێمێ ڕشت و تا نۆکە ژى بەردەوامە، نەبتنێ کوردان بخۆ سەربۆر ژ ئەنفالان وەرنەگرتن، بەرۆڤاژى دەست خۆ کرە ددەستێ ئەوان دا یێن ب هزاران زارۆک، گەنچ، زەلام و دانعەمرێن کوردان کوشتین، پێدڤیبوو کوردان وەسا زویکا کارەساتێن عێراقێ ب سەرى هیناین ژبیر نەکربا و ئیرادا میللەتێ خۆ ڕادەستى دۆژمنێن خۆ نەکربا، چونکى دۆژمن هەر دۆژمنە و بەردەوام ل دەرفەتان دگەریت کوشتنێ ئەنجامبدەت.

نەعێراق بۆ کوردان دبیت ئەو وەلاتە یێ ئەوان دڤێت تێدا ب ئازادى بژین و نە حکومەتا عێراقێ سیاسەتەکا یەکسان بەرامبەرى کوردان پەیرەو دکەت، لەوڕا پێدڤییە کورد بەردەوام دئامادەکاریان دا بن بۆ هەر پێشهاتەکێ ژلایێ عێراقێ ڤە ب سەردا دهێت، عێراق بتنێ وەک ناڤ دەولەتە وەک دى چەندین گرووپێن توندرەو دەستهەلاتێ لێ دکەن و ئەو گرووپ هەمى دۆژمنێن کوردانن و کورد بخۆ ژى دۆژمنێن خۆنە. دناڤبەرا 1961-1976 و 1977 تا 1988 کوردان هزرا شەرێن پارتیزانى هەبوو، بەلێ نۆکە کوردان ئەو ژى نەمایە بتنێ بەرێ ئەوان یێن ل بەرژەوەندیێن ئەوان و وەک کۆچبەران ل وەلاتێ خۆ دژین هەر دەمێ شەرەک ب سەر دەڤەرێ دا بهێت 80% کورد دێ گوندو باژێرێن خۆ بەردەن و بەرەڤ سنووران ڤە چن و بەرێ ئەوان دێ ل ئەمریکا بیت کا دێ بۆ چ کەت، ئەو نزانن ئەمریکا ژى لدۆیڤ بەرژەوەندیێن خۆ سەرەدەریێ دگەل پڕسا ئەوان دکەت.

بۆ زێدەتر پێزانینان، بەرێخۆبدەن:

کێشەیەک ژ جەهنەمێ: ئەمریکا و سەردەمێ جینۆسایدێ

A Problem from hell: America and the age of Genocide

کارەکێ ژەهراوى: ئەمریکا، عێراق و کێمیابارانکرنا هەلەبجە

A Poison Affairs, America, Iraq and the gassing of Halabja