میتان،
ئەڤرۆ د گەڕا چارێ یا خۆلا ستێرێن عیراقێ یانەیا زاخۆ بەرامبەر یانەیا نەورۆز ل یاریەگەها زاخۆ یا ناڤدەولەتی یاری هەبوو. یاری ب هێرشێن دەستپێکی و بەردەوامێن یانەیا زاخۆ دەستپێکر هەتا ئەو بوو ل خۆلەکا ٣ ژ دەستپێکا یارییێ یاریزانێ زاخۆ دیپۆچی شییا گۆلا ئێکێ ب ڕێکا سەری تۆمار بکەت. هەروەسا د خۆلەکا ٢٣ ژ نیڤا ئێکێ یاریکەر شێرکۆ کەریم شییا گۆلا دوویێ یا زاخۆ تۆمار بکەت. هەروەسا ل خۆلەکا ٤٤ ژ نیڤا ئێکێ ژبەر لێدانەکا ڕاستەخۆیا یاریکەر شێرکۆ کەریمی، یاریکەرێ یانەیا نەورۆز ب هەلە گۆلێ ل خۆ تۆمار دکەت. هەروەسا بەری ب دووماهی هینانا نیڤا ئێکێ ئەمجەد عەتوانی شییا گۆلا چارێ یا زاخۆ تۆمار بکەت ب ئەڤێ چەندێ یاری هەتا دووماهییێ ب ئەڤێ ئەنجامی ما.
هیچ کۆمێنتەک نینە