میتان

زانکۆیا زاخۆ سەرکەڤتنەکا ئەکادیمییا بەرچاڤ تۆمارکر و پلەیا ئێکێ ل سەر ئاستێ زانکۆیێن هەرێما کوردستانێ (حکومی و تایبەت) و پلەیا دوویێ ل سەر ئاستێ زانکۆیێن عیراقێ، د ڕیزبەندییا جیھانییا تایمز ھایەر ئێدیوکەیشن (Times Higher Education)دا بۆ ڤەکۆلینێن جۆراوجۆر، بدەستڤەهینا.
ئەڤ سەرکەڤتنە ڕەنگڤەدانا ئەوان هەوڵ و بزاڤێن بەردەوامە یێن کو سەرۆکاتییا زانکۆیێ ژ پێخەمەت بلندکرنا کوالیتییا ڤەکۆلینێن زانستی و پێشئێخستنا ژینگەھەکا پێشکەڤتییا ڤەکۆلینان و پشتەڤانیکرنا ڤەکۆلەران د بیاڤێن جودادا، ئەنجامداین. ھەروەسا شیانێن زانکۆیێ د ڕاکێشان و وەرگرتنا پێشنیارێن نوو ژ جڤاکی بۆ ڤەکۆلینان و گوھۆڕینا ئەوان بۆ پڕۆژەیێن زانستییێن کاریگەر.

زانکۆیا زاخۆ د چەندین بیاڤێن سەرەکییێن ئەڤێ ڕیزبەندییێ، سەرکەڤتن بدەستڤەهینایە، ژ ئەوان ژی:
• کوالیتییا ڤەکۆلینێن جۆراوجۆرێن بەلاڤکری.
• کارایی د ڕێڤەبرنا پڕۆسێسا ڤەکۆلیناندا.
• ڕێژە و هەژمارا بەرهەمێن ڤەکۆلینێن جۆراوجۆر.
• ژێرخانا ڤەکۆلینان و ژێدەرێن پشتەڤان بۆ چالاکییێن زانستی.
بۆ پتر پێزانینان ل سەر ڕیزبەندییێ دشێن ئەڤی لینکێ ل خوارێ بکاربهینن:

کلیک بکە