میتان
ئەڤرۆ سێشەمبی ل ڕێککەڤتی 9ی کانوونا ئێکێ ٢٠٢٥ سەرۆک نێچیرڤان بارزانی پێشەوازی ل دەزگەهێ روانگە کر.
د کۆمبوونێدا، کورتەیەک ژ کار و چالاکییێن دەزگەهێ روانگە و پلان و پرۆگرامێن ئەوان ژبۆ پاشەرۆژێ هاتنە پێشکێشکرن. هەروەسا گۆتوبێژ ل سەر بوارێن کو تێدا خزمەتێ دکەن هاتە کرن، وەک خێرخوازی، هاریکارییا قۆربانییان، بهێزکرنا شیانێن گەنجان، ڤەکۆلین، پەروەردە، ڕەوشەنبیری، دروستکرنا دەلیڤەیێن کاری، پاراستنا ژینگەهێ، ساخلەمی و گەلەک بوارێن دی ل سەرانسەری هەرێما کوردستانێ و ئیراقێ.
سەرۆک نێچیرڤان بارزانی پیرۆزباھی لێ کر؛ دەستخۆشی ل کار و خزمەتێن روانگە کر، ب تایبەتی د بوارێ پشتەڤانیکرن و پەروەردەکرنا گەنجان دا و ھاریکاریکرنا کەرتی پەروەردێ و پێشڤەبرنا شیانێن گەنجان. ھیڤییا سەرکەڤتنێ ژبۆ خواست و پشتەڤانییا خۆ ژبۆ بەردەوامی و سەرکەڤتنا کار و پرۆژەیێن ئەوان دیارکر.
ژ لایێ خۆڤە، تیما روانگە سوپاسییا خۆ دیارکر ژبۆ پشتەڤانی و هاندانێن بەردەوام یێن سەرۆک نێچیرڤان بارزانی بژۆ کار و چالاکییێن ئەوان و خزمەتکرنا گەنجان و کارێن خێرخوازییێ. دێ بەردەوام بن ل سەر خزمەتکرنێ د بوارێن جودا جودا دا.
هیچ کۆمێنتەک نینە