میتان
سەرۆک نێچیرڤان بارزانی پیرۆزباهییێ ل یانەیا زاخۆ دکەت
بەڕێزان سەرۆک و دەستەیا کارگێری و پشتەڤانێن یانەیا وەرزشییا زاخۆ،
ب گەرمی پیرۆزباهییا ئەڤێ دەستکەڤتا جیهانی ل هەوە دکەم کو، تێدا پشتەڤانێن دلسۆزێن یانەیا زاخۆ ژ لاییێ فیفایێڤە وەک باشترین و کاریگەرترین پشتەڤان ل سەر ئاستێ جیهانێ هاتینە هەلبژارت.
ئەڤ ناسناڤێ جیهانی، بتنێ سەرکەڤتنا یانەیا زاخۆ نینە بەلکۆ، شانازییە ژبۆ هەموو بزاڤێن وەرزشی ل هەرێما کوردستانێ و عیراقێ.
هەوە ب شێوەییەکێ جۆش و خرۆش و شارستانییە پشتەڤانییا یانەیا خۆ کرییە، زێدەباری بلند کرنا تابلۆیێن هۆنەری و پەیامێن ئاشتی و حەزژێکرنێ و ژیاندۆستییا ل هەرێمێ نیشانی جیهانێ دان.
دلسۆزی و وەفادارییا خەلکێ خۆشتڤییێ زاخۆ ژبۆ یانەیا ئەوان، نموونەیەکا بلندە. هیڤیدارم هەر یەکەم بمینن و پشتەڤانێن بهێز بن ژبۆ وەرزشا هەرێمێ و بەرز ڕاگرتنا ناڤێ کوردستان.
دووبارە پیرۆزباهییان ل هەوە ل دکەم و هەر سەربلند و سەرکەڤتی بن.
نێچیرڤان بارزانی
سەرۆکێ هەرێمی کوردستان
١٦یێ کانوونا ئێکێ ٢٠٢٥
هیچ کۆمێنتەک نینە