میتان
ب هەلکەڤتا وەرگرتنا پۆستێ کۆمیسارێ بالایێ نەتەوەیێن ئێکگرتی ژبۆ کاروبارێن پەنابەران(UNHCR)ب گەرمی و ژدل پیرۆزباهییێ ل برایێ خۆ دکتۆر بەرهەم سالحی دکەم، هیڤییا سەرکەڤتنێ د ئەڤی ئەرکێ جیهانی و مرۆڤی دا ژبۆ دخوازم.
وەرگرتنا پۆستەکێ بالا یێ ناڤدەولەتی، د ئەڤی دەمی دا، نیشانەیا باوەری و شیان و ئەزموون و کارێن تە یێن سیاسی و دیپلۆماسیی نە. جهێ شانازییێیە ژبۆ هەرێما کوردستانێ و عیراقێ کو جەنابێ هەوە سەرپەرشتییا ئێک ژ گرنگترین دۆسەیێن مرۆڤای ل جیهانی دکەن.
ئەز یێ پشتراستم ژ ئەزموونا هەوە یا دەولەمەند، هوون دشێن ڕۆلەکێ بەرچاڤ و کاریگەر بگێڕن ژبۆ کەمکرنا ئازارێن پەنابەران و چارەسەرکرنا کێشەییێن ئەوان د ئاستێ جیهانێ دا. ئەم ل کوردستانێ پتر ژ هەر کەسەکی هەست ب ئازارێن ئاوارەیان دکەین و گرنگییا ئەڤی ئەرکی باش دزانین.
هەموو پشتەڤانییەکێ ژبۆ سەرکەڤتنا هەوە دووپات دکەین.
نێچیرڤان بارزانی
سەرۆکێ هەرێما کوردستانێ
١٩یێ کانوونا ئێكێ ٢٠٢٥
هیچ کۆمێنتەک نینە